بعض الموضيع المعروفة بس احب ان اذكرة

الكل عارف انو اغنية نعناع الجنينة دى اغنية تراس شعبى
وفى الاساس نميم
ليكم بعض ابيات الاغنية الاصلية
+++++++++++++++++++++
امبارح العصير عليّ الصبايا فاتن
بديعات في الجمال .. لا ليلى لا تقول فاتن
لا حور و لا إنس . . و لا في الملايكة صفاتن
رديت السلام .. قالن حبابك و فاتن

و قصرك من ذهب و الفضة تلتواره
بخت اللي بنى .. بخت اللي دار في ادواره
و قصرك من دهب .. و النار تضوي فيه
العايش سعيد .. من يمشي من جنبيه

قالت له بابا بابا شايفه هناك خيالة
تسعين ناقة لقح و الرجال شيالة
قال ليها عريسك جاني في القيالة
ارفض له الطلب و الا انتي ليه ميالة

يا ام عقد الدهب تلاتة و تلاتين كارة
لم شالت مَطُر لم وردت على بكارة
قلت عينيها فينا الكل وقعوا سكارى
سقطت في الحليب لم بينت له عكارى

الامس العصر بالحاره جيت متمشي
وليه كل ماتشوفيني يا حلوه تكشي
أهديكي السلام تأخدي السلام وتخشي
والباب ذنبه أيه تلاريه فى وشي

تلفونك ضرب جرس البرنسيس رنه
فتحت الباب عليا شميت روايح الجنه
جيت أحضن وابوس قالت لي روق استني
لما الناس تنام اطلب ما تتمني

وحبيت لي بنيه واخده الاعدادي
قلت اسافر سنه وارجع قوام للوادي
رجعت من السفر ورحت بيتها انادي
لقيتها اتجوزت شايل الولد بتدادي

يا بنت المدن يام العيون وساع
فى قلبي السليم سببت لي اوجاع
جميله مهذبه وكامله الاطباع
والله شفنا العجب فى حارة ابو مناع

جيتك يا العريس لقيت فرحك كامل
انا صاحب فرح لتقول عليا مجامل

حبيبي بعت لي جواب احترت انا في قرايته
رميته على السرير حرق السرير بملايته